Сапалы видео жасау үшін аудионы монтаждауға қатысты 11 лайфхак

Аудионың көмегімен видеоңызбен елді таңғалдырыңыз келе ме?Әлеуметтік желідегі Reels пен сторис болса да, білім беретін видеолар болса да, аудионы өңдеуге қатысты оңай әрі ыңғайлы лайфхактардың көмегімен видеоңыздан өнер туындысын жасаңыз.

Бұл пайдалы тізімде Clipchamp көмегімен сапалы бейне жасау үшін аудионы өңдеудің жылдам, тегін және оңай жолдары көрсетілген. Аудио жаңғырықтарын қосу, біртіндеп жоғалып кету әсерін пайдалану және влогтерге кадрдан тыс дауыс функциясын қолдану сияқты аудионы өңдеуге қатысты лайфхактарды қарап шығыңыз.

Аудиоңызды түрлендіруге қатысты практикалық кеңестер

Аудионы видеодан санаулы секундта ажыратыңыз

Видеоның аудиосы ұнамай қалса, видеоны толығымен қайта түсірудің қажеті жоқ.Аудио мен бейнені ажыратуға қатысты лайфхактың көмегімен қателескен жерлерді және қажетсіз аудионы бейнеден алып тастаңыз.

1. Сипаттар панеліндегі "Аудионы ажырату" түймесін бассаңыз болғаны, видеоңыздың аудиосы уақыт шкаласында бөлек материал ретінде пайда болады.

2. Сонымен қатар уақыт шкаласындағы видеоны тінтуірдің оң жақ түймесін басыңыз да, "Аудио" опциясын таңдап, "Ажырату" түймесін бассаңыз да болады.

Видеодағы нақты бір аудионың дыбысын өшіріп қою

Балағат сөздер мен қателескен жерлерді өшіргіңіз келе ме, я болмаса дауысын өшіріп, орнына басқа аудио қойғыңыз келе ме? Бөлу және дыбысты өшіру құралдарының көмегімен нақты бір аудионың дыбысын жылдам өшіріңіз.

1. Дыбысын қай жерден бастап өшіргіңіз келсе, іздеу құралын сол жерге жылжытып қойыңыз.

2. Қайшы белгішесін басыңыз да, дыбысын қай жерге дейін өшіргіңіз келсе, сол жерге іздеу құралын жылжытып қойып, қайшы белгішесін қайта басыңыз.Видеоңыз бен аудиоңыз үш бөлімге бөлінуі керек.

3. Уақыт шкаласындағы материалды бассаңыз, ол жасыл түспен ерекшеленеді, содан кейін "Дыбысты өшіру" түймешігін басыңыз.

Видео дыбысын өшіру туралы қосымша мәліметтерді YouTube оқулығымыздан көріңіз.

Аудио жаңғырығын жасау

Видеодағы көңіл күй мен атмосфераны ерекшелеудің ең оңай жолы – аудиоға жаңғырық әсерін қосу.Аудио жаңғырығына қатысты лайфхактарды дыбыстық әсерлердің және SXF аудиофайлдарының көмегімен қолданғаныңыз жөн.

1. "Мазмұн кітапханасы" қойыншасын басып, каталогтік аудио опцияларын қарап шығыңыз.

2. Таңдалған аудиофайлды уақыт шкаласына сүйреп апарыңыз.

3. Дәл сол аудиофайлды уақыт шкаласында тұрған аудиофайлдың астына тағы бір рет сүйреп апарыңыз. Бірақ бірнеше секунд кешіктіріп қойыңыз.

4. Аудиофайлыңыздың дыбыс деңгейін өңдеу үшін сипаттар панеліндегі "Мәтін" қойыншасын пайдаланыңыз.

Екі аудиофайл екі түрлі уақытта бірге ойнағанда, жаңғырып тұрғандай естіледі.

Аудионың жылдамдығын арттыру және баяулату

Аудио жылдамдығы өте жылдам немесе өте баяу ма?Жылдамдықты басқару құралының көмегімен видеодағы аудионың жылдамдығын оңай реттейсіз.

1. Алдымен аудионы видеодан ажыратыңыз. Сипаттар панеліндегі "Аудио" қойыншасын, содан соң "Аудионы ажырату" түймешігін басыңыз.

2. Содан кейін уақыт шкаласындағы аудиофайлды бассаңыз, ол жасыл түспен бөлектеледі.

3. Сипаттар панеліндегі "Жылдамдық" қойыншасын басыңыз.

4. Аудио жылдамдығын 0,1x және 16x аралығындағы кез келген мәнге реттеуге болады.

Өз бейнеңізді қайта жазу

Видеодағы қате кеткен жерлерді өшіргіңіз келе ме, әлде бейне секциясында сапасы жақсырақ аудио орналастырғыңыз келе ме, я болмаса бейненің басқа бір тілдегі дубляжын жасағыңыз келе ме? Видео өңдеу кезінде дауысыңызды қайтадан жазсаңыз болғаны.

1. Алдымен аудионы видеодан ажыратыңыз. Сипаттар панеліндегі "Аудио" қойыншасын, содан соң "Аудионы ажырату" түймешігін басыңыз.

2. Ауыстырғыңыз келген бөлімді табу үшін аудиофайлды ойнатыңыз да, клипті бөліңіз.

3. "Жазу және жасау" қойыншасындағы дыбыс жазу құралын тауып алыңыз.

4. Қалқымалы терезеде дауыс жазуды бастау үшін қызыл түймешікті басыңыз.

5. Аудионы сақтап, өңдеу құралына оралу үшін "Сақтау және өңдеу" түймешігін басыңыз.

6. Жаңа аудиожазбаны бейненің қалаған бөліміне орналастырыңыз.

Видео тартымдылығын арттыруға арналған кеңестер

Сток аудиосын кілтсөздер арқылы іздеу

Қажетті аудиотректі табуға кейде көп уақыт кетеді.Бірақ бұл бағдарламада кілтсөздер арқылы іздеп, қажетті аудионы санаулы секундта таба аласыз.Сток музыкасын іздеу жолағында "гитара" сияқты құралды іздеп жатудың орнына, "шабыттандыратын" немесе "романтикалық" сияқты көңіл күйге қатысты сөздерді іздеп көріңіз.Дұрыс кілтсөздерді пайдаланып іздесеңіз, видеоңызға лайықты аудионы жылдам табасыз.

Аудиотрек дыбыстарының біртіндеп баяу шығуы мен бәсеңдеуі

Аудиотректер дыбысын баяу шығару немесе бәсеңдету арқылы көрерменді қызықтырыңыз. Видеоклипіңіз біртіндеп қап-қара болып кеткені сияқты, аудионың да дауысын дәл солай біртіндеп бәсеңдетуге болады.

1. Уақыт шкаласындағы аудиотректі бассаңыз, ол жасыл түспен бөлектеледі.

2. Сипаттар панеліндегі "Біртіндеп бәсеңдету" қойыншасын басыңыз.

3. Аудионың дауысын біртіндеп шығару немесе бәсеңдету үшін ауыстырып қосқышты оңға қарай сырғытыңыз.

Фондық музыканың дыбыс деңгейін бәсеңдету

Кейде аудиосы бар видеоға фондық музыка қойсаңыз, көрермендерге түсіну қиын болуы мүмкін.Сондықтан Clipchamp көмегімен бейненің дыбыс деңгейіне әсер етпей, фондық музыканың дыбыс деңгейін бәсеңдете аласыз.

1. "Мазмұн кітапханасы" қойыншасынан каталогтік аудиофайлды уақыт шкаласына сүйреп апарыңыз.

2. Аудиофайлды бассаңыз, ол жасыл түспен бөлектеледі.

3. Сипаттар панеліндегі "Аудио" қойыншасын басыңыз.

4. Жүгірткінің көмегімен аудиофайлдың дыбыс деңгейін бәсеңдетіңіз.Жүгірткіні солға қарай жылжытсаңыз, дыбыс деңгейін бәсеңдейді, ал оны оңға қарай жылжытсаңыз, дыбыс деңгейі артады.

Влог аудиосын монтаждауға қатысты кеңестер

Сток видеосы аудиомен қабаттасады

Сұхбаттар, влогтер немесе корпоративтік материалдар сияқты ұзақ видео жасап жатсаңыз, каталогтік видеомен аудио баяндаманы қабаттастыру арқылы көрермендерді қызықтырыңыз. Кейде камераға қарап, сөйлеп тұрған адамды көре беру жалықтырып жібереді, сондықтан арасына тегін каталогтік видео қосып қойыңыз.

1. Алдымен аудионы видеодан ажыратыңыз. Сипаттар панеліндегі "Аудионы ажырату" түймешігін бассаңыз, видео аудиосы уақыт шкаласында бөлек ресурсқа айналады.

2. Содан кейін қабаттастырғыңыз келетін видеоматериалды бөліп алыңыз.

3. Қолданылып жатқан видеоны ауыстыру үшін, сток видеосын уақыт шкаласына сүйреп апарыңыз.

Дыбыстық әсерлермен ауысымдар

Тақырып ауысқан немесе видеоматериал кадры ауысқан жерлерге ауысымдарды қосу арқылы көрермендерді қызықтыруға болады.Ал SFX дыбыс әсерлерінің көмегімен гуілдеген, дыңылдаған немесе сытырлаған қарапайым дауыстарды пайдаланып, сапалы ауысымдар жасай аласыз.

1. Уақыт шкаласындағы видеоклиптердің арасына құралдар тақтасындағы "Ауысымдар" қойыншасынан ауысымды сүйреп апарыңыз.

2. "Мазмұн кітапханасы" қойыншасын басып, аудионың ашылмалы мәзірінен дыбыс әсерлерін таңдап, кілтсөз арқылы іздеңіз.

3. Ауысымның астындағы уақыт шкаласына аудио дыбыс әсерін сүйреп апарыңыз.

Влогтерге мәтінді дыбысқа түрлендіру функциясы арқылы дыбыстама қосу

Видео бірсарынды болмауы үшін, мәтінді дыбысқа тегін түрлендіру генераторын пайдаланып, видеодағы диалогті ажыратып, ауыстырыңыз. Аудиторияңыздың көңілін аулап, видеоларыңызды барынша инклюзивті және түсінікті ету үшін түрлі тілде, түрлі акцентпен, үнмен және жылдамдықпен айтылатын қайталанбас дыбыстар ауқымын пайдаланыңыз.

1. Алдымен аудионы бейнеден ажыратыңыз. Сипаттар панеліндегі "Аудионы ажырату" түймешігін бассаңыз, видео аудиосы уақыт шкаласында бөлек ресурсқа айналады.

2. Содан кейін дауыстық сүйемелдеу қосқыңыз келген аудиофайлды бөліп алыңыз.Қоқыс себеті белгішесін басып, уақыт шкаласынан бөлінген аудиофайлды жойыңыз.

3. Құралдар панеліндегі "Жазу және жасау" қойындысын басыңыз, содан кейін "Мәтінді сөзге түрлендіру" опциясын басыңыз.

4. Мәтінді дыбысқа түрлендіру нұсқауларын орындау дауыстық сүйемелдеу жасаңыз.

5. Дыбыстаманы жойылған аудионың орнына сүйреп апарыңыз.

Видеоңызды барынша қызықты етіп, аудиоға қатысты пайдалы кеңестер алғыңыз келсе, қозғалмалы тақырыптар қосу жолы және YouTube-ке арналған қызықты ұзақ видеолар жасау әдісі туралы мақалаларды оқып шығыңыз.

Видеоларыңызды тегін Clipchamp көмегімен өңдеңіз немесе Windows-қа арналған Clipchamp бағдарламасын жүктеп алыңыз.