Осы бетте

Ең танымал авторлар мен компанияларға ортақ нәрсе – видеодағы фирмалық таңба.Видеоларды компания ісін жүргізу, маркетинг немесе жай ғана әлеуметтік желіге жүктеп салу үшін жасап жатсаңыз, видеодағы жақсы фирмалық таңба оның есте қалуына көмектеседі.Бірыңғай әлеуметтік желі логотиптерінен, түстерден және эстетикалық талғамға сай материалдардан бастап фирмалық таңбасы бар YouTube-тегі кіріспе видеоларға дейін Бренд таңбаларының жинағын пайдаланып, бәсекелестеріңізден бір саты жоғары тұрыңыз.
Clipchamp бағдарламасында Бренд таңбаларының жинағын жасау және пайдалану туралы толық ақпарат алғыңыз келсе, әрі қарай оқи беріңіз.
Бренд таңбаларының жинағы деген не?
Бренд таңбаларының жинағы – материалдарды монтаждау кезінде бренд стилін сақтауға мүмкіндік беретін бірегей логотиптерді, қаріптерді және түстер комбинациясын сақтауға арналған Clipchamp-тағы сақтау орны.
Бренд таңбаларының жинағын қайдан табуға болады?
Бренд таңбаларының жинағын негізгі беттен таба аласыз
Видеоредактордың негізгі бетінде "Бренд таңбаларының жинағы" қойыншасын бассаңыз, бренд таңбаларының жинағы шығады.

Редактордың ішінен бренд таңбаларының жинағын табыңыз
Видеоредакторға кірген соң, бренд таңбаларының жинағын қолдану үшін құралдар тақтасындағы "Бренд таңбаларының жинағы" қойыншасын басыңыз.

Жинаққа бренд таңбаларын қалай қосуға болады?
Брендіңіздің таңбалар жинағын орнату үшін тегін Clipchamp тіркелгіңізді Essentials жоспарына ауыстыруыңыз керек.Бренд таңбаларының жинағы – ақылы функция.Бренд таңбаларының жинағын негізгі бет арқылы немесе тікелей видеоредактордың ішінде жасай аласыз.Бұл оқу материалында жинаққа бренд таңбаларын негізгі бет арқылы қалай қосу керектігі жайында айтылады.
1-қадам.Логотиптерді қосыңыз
"Логотиптерді қосу" түймесін басып, компьютердегі логотипті таңдаңыз.

Компьютер файлдары автоматты түрде ашылады.Қажетті логотипті таңдап, "Ашу" түймесін басыңыз.Логотипіңіздің файл форматы PNG, JPEG немесе SVG болуы, ал ө лшемі 10 МБ-тан аспауы керек.

"Логотип" қойыншасында сіздің логотипіңіз пайда болады.

2-қадам.Қаріптер қосыңыз
Өзіңізге бейімделген қаріптерді жүктеп салу үшін "Қаріптерді қосу" түймесін басыңыз.

Қарындаш белгішесін басып, қаріптің атын өзгерте аласыз.

Қаріпті табу немесе реттелмелі қаріпті жүктеп салу үшін ашылмалы көрсеткі түймесін басыңыз.Clipchamp қаріптер кітапханасындағы қаріптердің бірін таңдаңыз немесе компьютерден өзіңіздің қарпіңізді импорттаңыз.

Қаріп "Қаріптер" қойыншасында пайда болады.

3-қадам.Түстер палитрасын қосыңыз
Өзіңізге бейімделген түстер палитрасын жүктеп салу үшін "Палитра қосу" түймесін басыңыз

Қарындаш белгішесін басып, түстер палитрасының атын өзгерте аласыз.

Түстер палитрасын таңдау құралын ашу үшін "+" түймесін басыңыз.Он алты сандық кодты іздеу жолағына көшіріп қойыңыз немесе түстерді таңдау құралының көмегімен түстерді таңдаңыз.Басқа түстерді қосқыңыз келсе, осы қадамдарды қайталаңыз.

Сізге қажетті түс "Түстер палитрасы" қойыншасында пайда болады.

Бренд таңбаларының жинағын видеоредакторды қалай қолдануға болады?
Редактордағы бренд таңбаларының жинағын қолдану үшін мына қадамдарды орындаңыз.
1-қадам.Құралдар тақтасындағы "Бренд таңбаларының жинағы" қойыншасын басыңыз.
Бренд таңбаларының жинағын қолдану үшін құралдар тақтасындағы "Бренд таңбаларының жинағы" қойыншасын басыңыз.

2-қадам.Видеоға логотипіңізді қосыңыз
Логотипіңізді су белгісі немесе видео қабаты жасау үшін видеоға логотип қосыңыз.Видеоклипіңіздің жоғарғы жағындағы уақыт шкаласына логотипіңізді сүйреп апарыңыз немесе "+" түймесін басып, уақыт шкаласына қосыңыз.

Қалқымалы құралдар тақтасының көмегімен логотипіңіздің орнын, өлшемін және бағдарын өзгертіңіз.Логотипіңіздің өлшемін өзгерту үшін бұрыштарын ішке және сыртқы жылжытуыңызға болады.

Логотипіңіздің сыртқы көрінісін сипаттар панелі арқылы өзгертесіз."Түсін реттеу" қойыншасын басыңыз, содан кейін мөлдірлік жүгірткісінің көмегімен жолақты оңға жылжытып, логотипіңізді су белгісіне айналдырыңыз.

3-қадам.Видеоға стильлі мәтін қосыңыз
Жекелендірілген қаріп қолдану үшін видеоңызға мәтіндік анимация қосыңыз.Құралдар тақтасысындағы "Мәтін" қойыншасын басыңыз, содан кейін логотиптің жоғарғы жағындағы уақыт шкаласына атауды сүйреп апарыңыз.

Сипаттар пан елінде "Мәтін" қойыншасын басып, анимациялық мәтінді реттеңіз.Содан кейін қаріп таңдау құралынан бренд таңбаларының жинағы қарпін таңдаңыз.

Сонымен қатар "Мәтін" қойыншасында бренд таңбаларының жинағындағы түс палитрасының көмегімен мәтіннің түсін өзгерте аласыз."Түс" түймесін басыңыз.

Бренд таңбаларының жинағындағы түстерді таңдаңыз.

Басқа да көмек керек болса, Clipchamp бағдарламасында бренд таңбаларының жинағын қа лай қолдану керек? бөлімін оқып шығыңыз.
Clipchamp-тағы бренд таңбаларының жинағын кім қолдана алады?
Бренд таңбаларының жинағын өз видеоларын неше түрлі қаріптермен, логотиптермен және түстермен безендіргісі келетін Essentials жоспарының жазылушылары ғана пайдалана алады.
Авторларға таптырмас дүние
Бренд таңбаларының жинағын TikTok, YouTube және Instagram сияқты әлеуметтік желі видеоларына қоссаңыз, контентіңіз пайдаланушылардың көзіне оттай басылады және профильіңізде немесе арнаңызда видеолар өзара үйлесімді болып тұрады.Әп видеодан логотипіңізді, бірегей қаріп стилін және түстер схемаларын көріп, көрермендер және брендіңізге демеушілік жасағысы келетіндер видеоконтентіңізді жылдам табады.
Кәсіпорындарға таптырмайтын дүние
Бренд таңбаларының жинағының арқасында материалдарыңыз бірыңғай стильде жасалады да, тұтынушылардың сенімін жаулап алады, сондай-ақ көрермендеріңізге таза, өзара үйлесімді және есте қалатын маркетингілік видеолар ұсына аласыз.Қызметкерлеріңіздің барлығын жұдырықтай жұмылдыру үшін де бренд таңбаларының жинағын қолдануыңызға болады.Бренд таңбаларының жинағын жасау арқылы қажетті қаріптердің, түстетрдің және логотиптердің барлығы бір жерде тұрады, осылайша ұжымыңыз уақыт үнемдейді.
Жиі қойылатын сұрақтар
Бренд таңбалар жинағының бірнешеуін қалай жасауға болады?
Иә. Жұмыс істеп жатқан бөліміңізде тек бір бренд таңбаларының жинағын жасай аласыз.Яғни жеке бөліміңіз үшін бір жинақ және жасайтын әр ұжымыңыз үшін бір бренд таңбаларының жинағы бола алады деген сөз.
Бренд таңбаларының жинағына жүктеп салуға болатын қаріптердің, түстердің және логотиптердің санына шектеу бар ма?
Жоқ, ешқандай шектеу жоқ.Бренд таңбаларының жинағына ресурстарды қалағаныңызша жүктеп сала аласыз, дегенмен қаншалықты аз болса, соншалықты жақсы болады.
Бренд таңбаларының жинағы менің видеоларыма автоматты түрде қолданыла ма?
Қазірше қолданылатын қаріптерді, түстерді және логотиптерді видеоларыңызға Бренд таңбаларының жинағынан қолмен таңдауыңыз керек.Болашақта оларды әлдеқайда оңай қолдануға болады деп үміттенеміз.
Clipchamp бағдарламасындағы қайталанбас қаріптерді, түстерді және логотиптерді пайдаланып, брендіңізді жетілдіріңіз және өзара үйлесімді контент жасаңыз.Видео жасау және оларды монтаждау қабілетіңізді шыңдау үшін Clipchamp бағдарламасындағы "Жаңалықтар" бөлімін қарап отырыңыз.