Тегін әсерлердің көмегімен анимациялық логотипті қалай жасауға болады?

YouTube-ке арналған видео болса да, компанияның презентациясын жасап жатсаңыз да, анимациялық логотип қосып, видеолардың сізге тиесілі екенін көрсетіңіз. Ұлғайтып-кішірейту, айналдыру, жарқыл, тіпті кедергілер сияқты видеоәсерлермен логотипіңізді әрлеңіз де, мінсіз анимация жасаңыз.

Айналдыру, өлшемін өзгерту, біртіндеп ағарту немесе қараңғылау және қабаттастыру сияқты видеомонтажға арналған тегін функциялармен анимациялық логотипті безендіріңіз.

Clipchamp видеоредакторындағы тегін видеоәсерлердің көмегімен анимациялық логотипті қалай жасау керектігін үйреніңіз.

Clipchamp видеоредакторында логотип анимациясын қалай қосуға болады?

1-қадам. Логотипті жүктеп салыңыз

Логотипіңізді фирма жинағына жүктеп салу үшін құралдар тақтасындағы фирма жинағы қойыншасын басыңыз. Содан кейін "Логотиптер" бөліміндегі "Логотиптерді қосу" түймесін басыңыз.

"Логотиптерді қосу" түймесін басыңыз. Бұл бөлімде құрылғыңыздағы логотиптің PNG немесе JPEG файлдарын видеоредакторға жүктеп сала аласыз. Фирма жинағы жазылымды сатып алған пайдаланушыларға қолжетімді.

Жазылымды сатып алмаған болсаңыз, логотип суретін "Мультимедиа" қойыншасындағы "Мультимедиалық файлдарды импорттау" түймесінің көмегімен видеоредакторға жүктеп сала аласыз.

Логотипті видеоның үстіндегі уақыт шкаласына сүйреп апарыңыз.

2-қадам. Логотиптің орнын, өлшемін және ұзындығын өзгертіңіз

Логотиптің орнын өзгерту үшін видеоның алдын ала көрінісінде логотипті қалаған жеріңізге қойыңыз. Логотипті ұлғайту (сыртқа тарту) немесе кішірейту (ішке тарту) үшін ақ бұрыштарды ішке және сыртқа тартыңыз.

Логотиптің ұзындығын өзгерту үшін жасыл маркерлерді құралдар тақтасының оң жағына қарай тартыңыз. Сонда логотип ұзарады.

3-қадам. Анимациялы арнайы әсерлерді қосыңыз

Логотипіңізге анимациялық элемент қосу үшін сипаттар панеліндегі "Әсерлер" қойыншасын басыңыз. Анимациясын көру үшін курсорды әсердің үстіне қойыңыз. Айналу, масштабын баяу өзгерту, айналдыру, кедергілер, тік, колейдоскоп және т.б. алуан түрлі әсерлерді таңдауға болады. Әсерді таңдаған соң, оны қолдану үшін әсерді басыңыз. Бірден бірнеше әсерді қолдана аласыз.

Әр әсер өзінше бір әсемдік береді. Айналдыру әсерінде жылдамдық жүгірткісінің көмегімен айналу жылдамдығын өзгерте аласыз. Жылдамдықты арттыру үшін жүгірткіні оң жаққа қарай тартыңыз. Кері түймені басуыңызға да болады.

4-қадам. Анимациялы логотип қойылған видеоны алдын ала көріңіз және сақтаңыз

Анимациялы логотип қойылған видеоны сақтамай тұрып, "Ойнату" түймешігін басып, оны алдын ала көріп алыңыз. Сақтауға дайын болсаңыз, "Экспорттау" түймешігін басып, видео ажыратымдылығын таңдаңыз. Бейне сапасы жоғары болуы үшін, барлық бейнені 1080p ажыратымдылығымен сақтағаныңыз жөн.Ақылы жазылушылар 4K бейне ажыратымдылығымен сақтай алады.

Төмендегі анимациялы логотиптерді көріп шығыңыз.

Монтаж арқылы компанияңыз туралы видеолардың деңгейін қалай арттыруға болады?

Компанияңызға арналған видеоларды қалай әдемі етіп жасауға болатыны туралы идеялар іздеп жүрсеңіз, төменде видеоны монтаждауға қатысты бірқатар пайдалы ұсыныстар берілген.

• Компанияңыздың видеоларына логотип қосып, бірізділік сақтаңыз.Логотипіңізге анимация қолданыңыз немесе мөлдірлігін өзгертіп, оны су таңбаға айналдырыңыз.

• ЖИ дауыстық сүйемелдеуімен көрермендердің назарын аударып, әлеуметтік желіге арналған видеоларыңызды әрлеңіз.Акценті, жасы, үні, жылдамдығы және тілі әртүрлі кәсіби дауыстардың ішінен қажеттісін таңдаңыз.

• Дайын видеошаблондарды пайдаланып, корпоративтік видеолар жылдам жасаңыз және бірізділік сақтаңыз.Брендіңіздің стиліне лайықты видеошаблонды таңдаңыз да, өз мәтініңізді, түстер схемасын және брендтік белгіңізді қосыңыз.

• Фондық музыканы пайдаланып, брендіңіз туралы видеолардың көңіл күйі мен стилін жақсартыңыз.Видеоңыздың болмысына қарай ырғақты немесе баяу әуезді әуенденді таңдаңыз.

• Жақтаулар мен жиектер сияқты бірегей видеоқабаттарды пайдаланып, видеоңызбен елді таңғалдырыңыз.Бірнеше түймені басып-ақ, видеоларыңызға алтын түстес жарқылдар, ромб пішіндес неон сызықтарын немесе super 8 жақтауларын қойыңыз.

Брендті таныстыратын видеоларды жасаудың басқа да қызықты жолдарын қарастырып жатсаңыз, Instagram Reel видеосын жасауға арналған 10 идеяны қарап көріңіз.

Clipchamp видеоредакторын тегін пайдаланып көріңіз немесе Clipchamp Windows қолданбасын жүктеп алыңыз.