Бүкіләлемдік психикалық денсаулық күнін атап өтуге қатысты 10 идея

Жұмыс орныңызда Бүкіләлемдік психикалық денсаулық күні жайлы көбірек ақпарат беріп, қызметкерлеріңізге қолдау көрсетіңіз келе ме? Ұжымыңызға психикалық денсаулық жайлы пікір алмасуға, бір-біріне қолдау көрсетуге және оны насихаттауға көмектесетін бірқатар іс-шаралар мен видеоматериал жасауға арналған идеялар дайындап қойдық.

Психикалық денсаулық күнін атап өтуге қатысты 10 идея

10 қазан күні әлем бойынша психикалық денсаулық туралы насихатталады және психикалық денсаулығына қатысты мәселелер туындап жүрген тұлғаларға көмек көрсетіледі. 2023 жылғы Бүкіләлемдік психикалық денсаулық күнінің тақырыбы – "Психикалық денсаулық – адамның бірегей құқығы".

Танымдық видеоматериалдар, әлеуметтік желідегі стористер және жиналыста талқыланатын тақырыптар арқылы жұмыс орныңызда қолдау көрсетуді, сауаттылықты және ашық пікірталасты насихаттаудың осы мүмкіндігін пайдаланып қалыңыз.

1. Цитата видеолары

Цитата видеосын жасап, оларды әлеуметтік желіде бөлісу – жұмыс орныңыздағы қызметкерлерді қолдаудың және шабыттандырудың таптырмас әдісі. Бар болғаны стильді фонды немесе каталогтегі видероликті пайдаланып, жаңа видео жасаңыз да, цитата мәтінін қосыңыз, содан кейін оны HD сапада ұжымыңызбен бөлісіңіз. Оңай бөлісу үшін цитатаңызды GIF файлы ретінде сақтап қоюыңызға да болады.

2. Жұмыс орнында психикалық денсаулық ресурстары жайлы еске салатын анимациялық видео

Пайдалы ақпаратқа толы анимациялық видео арқылы қызметкерлеріңізге психикалық денсаулық ресурстары және көмек көрсету желілерінің бар екенін және оны пайдалана алатынын ескертіп қойыңыз.Кадрдан тыс дауыс және қозғалыс тақырыптары арқылы компанияңыз ұсынатын қолдау топтары, кеңес беру қызметтері, дағдарыс кезіндегі жедел желілер және басқа да эксклюзивті ресурстар тізімін көрсетіңіз.

3. Кеңінен хабардар болуы үшін, шай үстінде әңгіме-дүкен құру шараларын ұйымдастыру

Шай үстінде әңгіме-дүкен құру шарасы – қызметкерлеріңіздің басын қосудың және психикалық денсаулық негіздері жайлы талқылаудың таптырмас әдісі.Шай үстінде әңгіме-дүкен құратын күнді, уақытты және орынды белгілеңіз, күн тәртібін жоспарлаңыз және әріптестеріңіздің қалай атсалыса алатынын және тыңдауға болатынын айтыңыз.Келе алмайтын адамдар үшін тікелей трансляция немесе онлайн көрсетілім ұйымдастырғаныңыз да жөн.

4. Жұмыс пен жеке өмір арасындағы баланс бойынша кеңестер тақырыбындағы слайд-шоу видеосы

Психикалық денсаулық ойдағыдай болуы үшін, жұмыс пен жеке өмір арасындағы балансты сақтауға қатысты кеңестерден тұратын пайдалы слайд-шоу видеосын жасаңыз. Жұмыс пен жеке өмір арасындағы балансты сақтауға қатысты кеңестерге стресс деңгейін басқару туралы идерялар, өз-өзін күтуге қатысты жоспарлар, кәсіби көмекке қатысты ұсыныстар және т.б. кіреді.Веб-камераға сөйлеп отырып, өз-өзіңізді видеоға түсіріңіз де, клиптеріңізді кесіп, біріктіріңіз, содан кейін оны слайд-шоу видеосы ретінде командаңызбен бөлісіңіз.

5. Белгілі бір мақсат үшін ақша жинау

Ақша жинау науқанын ұйымдастыру арқылы жеке тұлғаларға көмектесіңіз және жұмыс орныңыздағы психикалық денсаулық жайлы білімді арттырыңыз.Психикалық денсаулық бойынша көмек көрсететін қозғалысты немесе коммерциялық емес ұйымды және жұмыс орныңызға сай келетін іс-шараны таңдаңыз.Қайырымдылық серуенін, онлайн аукцион ұйымдастыруыңызға, қайырымдылық жасауға арналған сілтемелер және т.б. жасауыңызға болады.#PinItForMentalHealth қозғалысына қолдау көрсету мақсатында униформаңызға жасыл таспа бекітіп қоюды ұмытпаңыз.

6. Онлайн жиналысқа арналған бренд логотипі бар фон жасау

Егер жиналысыңыз онлайн ұйымдастырылатын болса, брендіңіздің логотипі және психикалық денсаулық туралы сауаттылық таңбасы бейнеленген жиналыстың жаңа фонын жасаңыз.Каталогтегі видеоматериалдарды, психикалық денсаулыққа қолдау көрсету стикерлерін пайдаланып және фирма жинағының көмегімен логотип қосып, фондық видео жасауыңызға болады.

7. Веб-камера арқылы бас директордың/басшылықтың сөзі

Бүкіләлемдік психикалық денсаулық күнінде өз қызметкерлеріңіз бен тұтынушыларыңызға позитивті және жігерлендіретін сөз айтыңыз.Онлайн веб-камераны пайдаланып, өз әсеріңізбен бөлісіп, психикалық денсаулықтың қаншалықты маңызды екенін түсіндіретін сөз сөйлеп, видеоүндеу жазыңыз. Фондық музыка қосып қойыңыз және видеоның қорытындысында көмек сұрауға болатын жедел желілер мен ресурстарды жазып қойыңыз.

8. Әлеуметтік желілерге арналған стористер

Instagram, Facebook, TikTok және LinkedIn аккаунттарыңызға тігінен түсірілген видео немесе сурет жариялап, 10 қазандағы психикалық денсаулық күнін насихаттап, адамдарды хабардар етіңіз. Уақытыңыз аз болғанымен, өзіңіздің құрметіңізді көрсеткіңіз келсе, компанияңыздың әлеуметтік желідегі аккаунттарына сторис жариялау – өз үлесіңізді қосудың таптырмас әдісі.

9. Назарды шоғырландыру және медитация туралы видео

Қызметкерлеріңізге және көрерменіңізге нұсқау бойынша медитация немесе назарды бір арнада шоғырландыру туралы видеоларды ұсыну арқылы оларды стрестен арылтыңыз және толықтай босаңсуына мүмкіндік жасаңыз.Жанға тыныштық сыйлайтын фондық музыка, әуезді әуен әсерлерін қосып қойыңыз да, тікелей YouTube-ке сақтаңыз.

10. Сұрақ және жауап видеосы

Сарапшыларды немесе мамандарды шақырып, тікелей трансляция жүргізіңіз немесе сұрақ және жауап видеосын түсіріңіз.Қызметкерлер мен көрермен өз сұрақтарын анонимді түрде жібере алады және сарапшылар видеода өздерінің көмектерін көрсетіп, кері байланысқа шығады.Ол – кәсіби мамандардың көмегіне жүгінудің қаншалықты маңызды екенін түсіндірудің және қол ұшын соза алатын орта қалыптастырудың таптырмас жолы.Психикалық денсаулық туралы видеоңызды дыбыссыз көруге де болатындай автоматты субтитрлер қосып қоюды ұмытпаңыз.

Clipchamp видеоредакторының немесе Clipchamp Windows видеоредактор бағдарламасының көмегімен 2023 жылғы Бүкіләлемдік психикалық денсаулық күнін атап өту үшін видеолар жасаңыз және жұмыс орныңызда іс-шаралар ұйымдастырыңыз.

Бүкіләлемдік психикалық денсаулық күні туралы толық ақпаратты мына жерден табасыз немесе қосымша, зерттеу нәтижелері мен пайдалы ақпаратты мына жерден оқи аласыз.