YouTube арнасының трейлерін жасау әдістері

YouTube арнаңыздың трейлерін мазмұныңыздың кино түріндегі алдын ала көру нұсқасы деп ойлаңыз, яғни қысқа да нұсқа әрі аудиторияны бірден елітіп әкететіндей болуы керек.Бірақ бұл жай ғана кіріспе емес; бір көргеннен тамаша әсер алатындай етіп, YouTube арнаңыздың не туралы екенін айтып берудің керемет мүмкіндігі.

Ұзақ бейнелерді таныстырып жатсаңыз да, шығайын деп жатқан YouTube подкаст серияңыздың тизерін ұсынсаңыз да, кино стиліндегі жоба құрастырып жатсаңыз да, жақсы жасалған трейлер көрермендерді еріксіз тартып, тағы да келе беруіне септігін тигізеді.

Брендіңізді таныстырып, әрекеттестікті арттыратын YouTube арнасының трейлерін YouTube үлгілері бар онлайн бейне редакторымыз – Clipchamp бағдарламасымен тегін жасау жолдары туралы біліңіз.

YouTube арнасының трейлері дегеніміз не?

YouTube арнасының трейлері – көрермендерге арнаңызды таныстыратын, соның арқасында оларға арнаңызға өтіп, жазылуға мүмкіндік беретін қысқа кіріспе бейнесі.Арна трейлерлері YouTube арнасының басты бетінде болады, әдетте профильдің жоғарғы бөлігінде бекітіліп тұрады, осылайша арнаға бірінші рет кіріп тұрған көрермендер оны оңай тауып алып, көре алады.

Арна трейлерлері кіріспе және қорытындылау бейнелерінен өзгеше болып келеді, өйткені олар бұрыннан бар YouTube бейнесінің басына не соңына байланбаған.Трейлер өз алдына бөлек бейне, оны кәдімгі мазмұн сияқты тамашалауға болады.Арна трейлерлерінде жарнама болмайды, тек мына жағдайлардан басқа: жарнама бейне ішіне кірістірілген болса немесе демеушілік көрсетілген бейне мазмұны болса.

YouTube арнасы трейлерінің ұзақтығы мен өлшемі

YouTube арнасы трейлерін жасау кезінде келесі сипаттамаларды ұсынамыз.

• Бейне пиксельдері: 1920 пиксель x 1080 пиксель

• Бейне өлшемі: кең экрандық 16:9 пропорциясы

• Бейне ұзақтығы: 30 секундтан 60 секундқа дейін.

• Бейне ажыратымдылығы: 1080p бейне ажыратымдылығы

• Бейне пішімі: MP4 бейне пішімі

Жақсы YouTube арнасының трейлерін жасау әдістері

YouTube арнасының трейлерін жасау қиын тапсырма сияқты болып көрінуі мүмкін, дегенмен оған арнаңызға арналған үздік ерекшеленген бейне сияқты қараңыз.Бұл – өзіңізді көрсетуге арналған керемет мүмкіндік, ендеше оны неге ұмытылмастай етіп жасамасқа?Оны былай істеуге болады.

Ааудиторияға ықпал ететіндей сценарий мен жоспар дайындау

"Жазу" түймесін баспай тұрып немесе бейне өңдеуді бастамай тұрып, ішіңіздегі кинорежиссерді оятуға бір сәт уақыт бөліңіз.Мықты трейлер кино трейлеріне қарағанда нақты сценарий мен жоспардан басталады.Негізгі сәттерді белгілеп алыңыз: көрермендердің арнаңыз туралы не білгенін қалайсыз?Содан кейін сол сәттерді анық көрсетуге көмектесетін визуалдық элементтер туралы ойлаңыз.Идеяларыңызды кадрларға реттеп, креативті болыңыз. Есіңізде болсын: шабыт алу үшін кейде YouTube-тен бір рет іздегеннің өзі жетіп жатыр.

Кәсіпқойдың кеңесі

• Қысқа әрі нұсқа болыңыз.Зерттеулер көрсеткендей, ұзындығы екі минуттан аспайтын бейнелер YouTube-те көбірек әрекеттестікке ие болады.

• Аудиторияңыз трейлерді көріп болған соң қандай үш нәрсені есте сақтағанын қалайтыныңызды жазып алыңыз.Содан кейін сол идеялар бойынша сценарий жазып, әрқайсысы визуалды түрде көрсетілетінін қадағалаңыз.Көмек қажет болса, бейне сценарийін жасанды интеллектімен жасап көріңіз.

Арна бренді, логотипі және түстері

YouTube мәліметіне сүйенсек, брендісі бірізді әрі мазмұны көзге жағымды арналарға жаңа жазылушылар көбірек қосылады екен.Өзіңіздің визуалдық тұлғаңызды қалыптастыру арқылы көрермендердің есінде қалып, өзгелерден ерекшеленіп тұруға болады.YouTube арнаңыздың трейлерінде өзіңіздің қолтаңбаңыз болатын түсті, логотипті және арнаулы қаріптерді пайдаланыңыз, осылайша имиджіңіз біртекті болады.

Кәсіпқойдың кеңесі

• Арнаңыздың тұлғасын айқындайтын түсті палитра мен қаріп мәнерін таңдаңыз.

• Арна баннеріңізде, нобайда немесе бейне кіріспесінде барлық жерде бірізділік үшін бірдей тақырып қолданыңыз.

Таң қалдырар бейне әсерлері мен өңдеу техникасы

Бейнені ойдағыдай өңдеу арқылы жақсы трейлер идеясын керемет идеяға айналдыруға болады.Ауысымдарды, сүзгілерді және VHS сияқты танымал бейне әсерлерін трейлеріңізге кинематографиялық әсер беретін арнайы дәмдеуіш деп ойлаңыз.Трейлеріңізді блокбастер сияқты етіп жасағыңыз келе ме?YouTube арнаңыздың трейлеріне қатысты идеяларыңызды жүзеге асыруға Clipchamp өзінің сан түрлі бейне әсерлерімен көмектеседі.

Кәсіпқойдың кеңесі

• Баяу көріну немесе қабаттасу сияқты қарапайым әсерден бастаңыз, сол кезде трейлеріңізді тым қатты кетпей-ақ жақсартасыз.Содан соң бірте-бірте қажетінше қосып отырыңыз, бірақ креативтен гөрі анықтыққа басымдық беріңіз.

• Трейлердің тонын жақсарту үшін тегін фондық музыка таңдаңыз.

Лайк басып, жазылуға анық шақыру

Ең маңызды бөлікті ұмытпаңыз, яғни көрермендерге келесі не істеу керегін айтыңыз.Әрекетке анық түрде шақыру өте маңызды.Көрермендеріңіздің соңғы ұзақ бейнеңізге лайк басқанын, жазылғанын немесе оны көргенін қаласаңыз, үздік YouTube арналарында әрдайым мықты әрекетке шақыру хабары болатынын ескеріңіз.

Кәсіпқойдың кеңесі

• Әрекетке шақыру хабарыңызды көргенге жағымды етіп жасау үшін лайк басу және жазылуға арналған анимациялық жапсырмаларды пайдаланыңыз.Оны трейлеріңіздің соңына орналастырыңыз, қалың мәтінмен немесе көздің жауын алатын түстермен ерекешеленіп тұрсын.Бейне басында қатты мазаламайтындай етіп еске салып көрсеңіз де болады.

• Әрекетке шақыру хабарыңызды одан сайын сенімді қылу үшін ауысымдық дыбыс әсерлерін қоссаңыз да болады.

Сәтті шыққан YouTube арна трейлерінің мысалдары

Адам көргеніне сенетіндіктен, кейде YouTube арна трейлерін мықты ету үшін нарықта бар үздік мысалдарын қараса жеткілікті.Брендинг, әрекеттесу және тиімділік сияқты шарттарға сай болған сәтті шыққан YouTube арнасы трейлерінің мысалдары берілген.

1.Kurzgesagt

Kurzgesagt арнасының трейлері арнаның танымдық мазмұны мен таңғажайып анимациясының бірегей үйлесімін тиімді түрде көрсете біледі.Трейлер арнаның не туралы әрі көрермендер нені күту керек екенін жылдам түсіндіре отырып, Kurzgesagt арнасының ерекшелеп тұратын ойнақы, ақпараттық стилін сақтап отырады.

Трейлер стиль мен мазмұнды керемет үйлестіреді, яғни арнаның бірегей құндылықтарын таң қалдырар анимациямен ұштастыра отырып ұсынады.

2.Sean Tucker Photography

Sean Tucker-дің YouTube арнасына жасалған ақ-қара фотосурет фонындағы трейлер философиялық бірақ шабыт беретін кадрдан тыс дауыс ұсынады.Мұндай баяндау стилі сізді өзінің ойына жетелеп әкетіп, өзі шығарып тұратын ой салатын мазмұнына бағыттап тұрады, ал визуалдық элементтер оның фотосурет түсірудегі сарапшылығынан хабар береді.

Сценарийі кез келген хайпталған бейненікінен әлдеқайда терең.Шынайы тереңдік пен бірегейлікті сездіреді.Ешқандай жарқыл жоқ – тек мазмұн.

3.Tokyo Creative Play

Бұл қысқаша бейне (ең ұзағы 60 секунд) көрермендерді Tokyo Creative YouTube арнасының стиліне елітіп әкетуге арналған.Қызықты визуалдық және дыбыс әсерлерін қоса отырып, өздері ұсынатын мазмұнды жиып көрсетеді, жалпы ойнақы әрі қызықты тонның арқасында бұрын жазылмаған көрермендер "жазылу" түймесін қалай басқанын білмей қалады.

Қысқа әрі қуатты және өз арнасындағы үздік бейнелердің тонын дәл көрсетеді.YouTube арналары Tokyo Creative арнасының қысқаша өңдеу арқылы энтузиазмды тудыру жолдарынан көп нәрсені үйрене алады.

YouTube арна трейлерлеріне арналған үздік тәжірибелер

YouTube арнасының трейлерін жасау – нағыз өнер, бірақ трейлеріңізді тартымды әрі тиімді етуге көмектесетін бірнеше сыналған және шынайы стратегиялар бар.Бұл үздік тәжірибелер сізге жаңа көрермендерге жақын болатын трейлер жасауға көмектеседі.

Арна трейлеріне не қосу керек екенін және YouTube-тегі әрекеттестік көрсеткіштерін арттыруға арналған үздік тәжірибелерді қарастырайық.

1. Ұстамды сөз тіркесін, бірнеше сөйлемді немесе монтаждық бейнені пайдалану арқылы өзіңізді және арнаңызды таныстырыңыз.Көрермендерге арнаңызда влогтер, пайдалы шешімдер немесе "Өзіңіз жасаңыз" бейнелері сияқты қандай мазмұн күтуге болатынын, сондай-ақ жаңа бейнелерді қай күндері жүктеп салатыныңызды айтыңыз.

2. Аудиторияңызды алғашқы секундтардан-ақ өзіңізге баурап алыңыз.Мықты визуалдық элементпен, қызықты сұрақпен немесе батыл мәлімдемемен бастаңыз.Алғашқы 5-10 секунд назар аударту және трейлердің қалған бөлігіне дем беру үшін өте маңызды.

3. Қысқа клиптер жасап, оларды жоғары сапалы тизер бейнелеріне айналдыру арқылы үздік клиптеріңізді көрсетіңіз.Бейнелерді кесіп, оларды жылдам слайд-шоу бейнелеріне айналдырыңыз.

4. Арна трейлерін жылдам ауысымдар, сүзгілер, дыбыс әсерлері мен фондық музыка, жапсырма қабаттасуы, және арнайы эффектілер сияқты кәсіби әдістермен өңдеңіз.

5. Жазылу жолы және бейне мазмұныңызды көбірек қайдан көруге болатыны туралы нақты әрекетке шақыру хабарын қосыңыз.

Бейнені өңдеу бойынша қосымша кеңестер алу үшін YouTube нұсқаулығымызды қарап шығыңыз.

Сондай-ақ бірнеше минут ішінде кәсіби трейлер жасау үшін YouTube арна үлгілерімен бастай аласыз.

Влог арнасының трейлерін жасау жолы

Бұрыннан бар влогтерді қайта жариялау және оларды арна трейлеріне айналдыру арқылы көрермендеріңізге влог YouTube арнаңызға қысқаша шолу көрсетіңіз.Керемет трейлерді жасау үшін анимациялық мәтінді, орын жапсырмаларын, ЖИ арқылы жасалған кадрдан тыс дауысты және тегін фондық музыканы қоса отырып, сүйікті мерекелеріңізден, күнделікті өмірден үзінділерді немесе сахнадан тыс клиптерді пайдаланыңыз.

Өмір салты арнасының трейлерін жасау жолы

YouTube сайтында сұлулық арналарынан бастап "Өзіңіз жасаңыз" арналарына дейінгі өмір салты мазмұнын жасаушылар өте танымал.Бірегей және ақпараттық арна трейлері арқылы бәсекелестеріңізден ерекшеленіңіз.Ең танымал бейнелеріңіздің дайын бейне мазмұнына назар аударыңыз, тіпті веб-камера жазу құралы арқылы веб-браузеріңізде жаңа бейнелерді желіде жазыңыз.Жақтаулар мен қабаттасуларды қосыңыз, қателерді жойыңыз, бейне дыбыс деңгейін реттеңіз және арнаңыздың эстетикасына сәйкес сүзгілерді қосыңыз.

Подкаст арнасының трейлерін жасау жолы

Бейне подкаст жасау ісін жаңадан бастап жатсаңыз, мазмұныңыз туралы көбірек танытуға көмектесу үшін подкаст арнасының трейлерін жасаңыз.Тегін сток бейнелерін және музыканы шолыңыз, дыбыс визуализаторын қосыңыз, сурет ішіндегі сурет әсері арқылы веб-камера бейне жазбасын қабаттаңыз және 1080p бейне ажыратымдылығында жариялаңыз.Подкаст арнаңыздың трейлерін YouTube Shorts бейнесіне қайта жарияласаңыз да болады.Бейне өлшемін өзгерту құралы арқылы 16:9-дан 9:16-ға дейінгі пропорцияны өңдеңіз.

Ойын арнасының трейлерін жасау жолы

Ойын ойнау арнасының трейлері арқылы ойын YouTube арнаңызды жетілдіріңіз.Ең үлкен жеңістеріңізден немесе ең нашар жеңілістеріңізден тұратын бейнеклиптерді біріктіріңіз, көрермендерге лайк басу мен жазылуды еске салу үшін қозғалыс тақырыптарын, айналдыру ауысымдарын, фондық музыканы және жапсырманы қосыңыз.

Көрермендеріңізді қызықтыратын және жазылушылар мен қауымдастық жинауға көмектесетін YouTube арнасының трейлерін жасаңыз.

Жақсырақ YouTube бейнелерін жасап, арнаңызды одан әрі дамытқыңыз келсе, YouTube бәсекелестерінің аналитикасын қарап шығыңыз.

Clipchamp-пен тегін өңдеуді бүгін бастаңыз немесе Windows-қа арналған Clipchamp бағдарламасын жүктеп алыңыз.